【本報訊】新一輪疫情一發不可收拾，以敢言見稱的醫學會新任會長蔡堅昨直言，林鄭政府應為此負全責，指新一波疫情最大機會是由豁免檢疫人士傳播，炮轟政府若不反省，「就算搵晒全中國專家落嚟都冇乜用」。
「攬身攬勢唱歌嚴重過返工」
醫學會昨舉行換屆後首次記招，提出多項防疫建議，包括促政府改善加強化驗室監測計劃。蔡堅斥該計劃收集病毒樣本時間及地點非常混亂，私家醫生難向病人下達清晰指示，收集深喉唾液樣本樽亦短缺，有醫生須等六日才取得新一批。近日當局提供的樣本樽尺寸突然縮小逾半，「樽口兩毫子咁細」，尤其令長者在收集唾液樣本時容易「出界」污染樽身。
蔡堅與其他專家看法一致，認為外地來港人士全部須進行病毒測試，不能像之前一樣豁免檢疫，「豁免20萬人咁多，有咩可能話畀我哋聽，20萬人入面係冇一個可能係傳播者？」他說，「如果到𠵱家都唔反省，繼續將香港擺係咁危險狀況，就算搵晒全中國專家落嚟都冇乜用」。
本港病毒檢測率一向被轟偏低，被問到為何澳門及新加坡檢測率均高於香港時，蔡堅僅以四字回應：「特首唔同。」他又諷刺指，近期確診個案源自部份人士參加慶祝會等活動，「攬身攬勢，攬住唱歌，踢完波再除口罩影張相，呢啲引起感染嘅原因，多過話戴住口罩返工」，但重申不希望政府推行禁足令。
衞生防護中心傳染病處主任張竹君昨在疫情記者會上承認，現時收集深喉唾液樣本樽較細，原因是有助人員直接化驗樣本，冀加快檢測流程。惟有醫生指樽口太細，市民難吐口水入內，口水亦易濺出播毒或污染樽身。
