「以物易物」既慳錢又環保，想不到連大型企業做生意都響應，用物品來找數！
香港寬頻（1310）昨日表示，將為余仁生提供高速光纖寬頻服務等電訊服務及科技方案，而余仁生就會以產品禮券支付部份費用；香港寬頻執行副主席楊主光話，係再次展現「資源互換」計劃嘅靈活彈性喎。幾個月前，香港寬頻已經同鴻福堂定立咗逾2,000萬元合約，對方同樣以產品禮劵支付部份費用。
今次香港寬頻食髓知味，拉攏余仁生、鴻福堂展開三方合作，余仁生同鴻福堂正研究推出品牌聯乘產品，於雙方分店設置專櫃；而三方各自員工、會員及客戶優惠，將陸續推廣至其餘兩方嘅員工、會員及客戶。各項優惠及詳情預計7月底起陸續推出，可以話係三贏！
李華華
mailto:[email protected]