前德國國腳奧斯爾自英超重開後未為阿仙奴上陣過一分鐘，31歲嘅佢今夏勢將離隊。外媒指，奧斯爾受到老婆、前土其耳小姐艾美妮推動，打算前往土超效力。不過其中一間感興趣嘅球會費倫巴治，據報因無法支付奧斯爾高達35萬鎊嘅周薪，已打消收購念頭。不過土超新科冠軍巴沙克舒希，近年積極擴軍亦招攬唔少前英超球星，加上下季有得踢歐聯，隨時會向奧斯爾招手都未定。