33歲的香港拳壇「神奇小子」曹星如，原本今年5月出戰世界組東奧資格賽，因疫情延至明年5至6月，大一歲沒打沉他衝奧的決心，更多得兩位拳壇老前輩菲律賓帕奎奧及美國泰臣，4、50歲仍在拳壇拼搏，星如說：「佢哋提醒咗我，年齡真係唔係問題。」
「其實踏入三字頭，已發覺有啲力不從心，以前跑10公里唔難，𠵱家跑4、5公里都好吃力，唔係呢度痛就嗰度痛，但我唔會放棄，尤其見到偶像帕奎奧，41歲仲打職業賽，保持住好好嘅體能同狀態；泰臣係另一傳奇，佢已經54歲，睇佢嘅訓練片，當年嘅動作、力量及速度仍在。每次我練到好辛苦，都會同自己講，佢哋都做到，只要我再努力啲都會做到。」曹星如在3月初的約旦亞大區奧運資格賽錄得1勝2負，要到明年世界組再爭席位。
石仔歐鎧淳努力追夢
其他港將方面，已鎖定東奧入場券、跳馬的石偉雄及「美人魚」歐鎧淳，他們不約而同等了八年，前者失落2016里約奧運，等了八年重返奧運舞台，後者等奧運A標亦等了八年；不同是將於12月25日結婚的石仔，延期一年，「status」會變為人夫。10月將滿29歲的石仔，戰罷12年倫敦奧運後，因傷失落16年里奧，憑不放棄精神於去年10月德國世錦賽重奪男子跳馬東奧席位，足足等了八年，卻遇上武漢肺炎，他說：「多一年畀我更熟習『李世光跳』，以及改良動作上一啲細微部份。」
至於28歲的淳淳，08年才16歲已以奧運B標出戰北京奧運，到12倫奧及16奧運，想以奧運A標參賽都落空，終於在去年8月的新加坡世界盃賽，她以1分00秒22達東奧100米背泳A標。淳淳坦言東奧延期影響很大：「今年初去咗澳洲集訓兩個多月，『弗』到教練都叫我游慢啲，我都唔知明年會唔會去番今年咁高狀態。」