現年59歲劉少君日前確診武漢肺炎，前日仍中氣十足的他，昨日入院第3天，他昨早接受《蘋果》電話訪問時卻變得氣若游絲，「今日療程加重咗藥，同病毒鬥爭，好辛苦，全身發冷、嘔、個頭好暈！」問到情況為何變得反覆？是否病情嚴重了？劉少君說：「唔係，醫生話係正常副作用。」
劉少君更提供了一張躺在病榻的圖片給《蘋果》，相中的他十分疲倦，兩眼無神，他說：「噚日食到嘢，但今日食唔落，個頭好暈，瞓得唔係咁好。」雖然精神欠佳，但劉少君很有信心可以打低病魔。劉少君前日入院時照肺、抽血做心電圖檢查，醫生指要把握七日的黃金時間，療程要打五支針。
麥德羅為播毒致歉
娛圈第一批中招的麥德羅、其女友劉麗萍（Apple姐）、歌手施匡翹和宣傳人員阿佳仍留醫。之前血壓飆升至180及出現氣促要用呼吸機的麥德羅，昨日終於退燒，他拍片報告身體情況，指精神好轉了，但說話仍有點氣促，對自己疑傳播病毒感抱歉：「我得到呢個病，直情我都唔知喺邊度得到，如果有同我接觸嘅朋友感染到呢個病呢，我都萬二分抱歉，希望你都快啲好返。」因為之前病情反覆，要用呼吸機的他表示：「我前日冇用呼吸機，呢兩日好返啲，尤其今日退晒燒，已經發燒咗五日，雖然仲有啲喘氣，個肺仲有少少痛，但起碼冇屙冇嘔冇發冷發熱。」
Apple姐昨日就被轉往三人病房，瞓覺都戴口罩自保，她說：「本身我冇咳，但因為其他病人有咳，為咗安全我長期瞓覺都戴住口罩。」施匡翹的第二次唾液報告，跟第一日的檢測差不多：「醫生都話係預計之內，唔會咁快冇，24號會再有測試，知道結果會同大家講返。」而模特兒葉子淇昨日則在fb留言，指她為要急到內地工作，獲取健康報告後才能過關，故特別到政府指定化驗所做武肺測試，豈料隨後獲知檢測報告屬陽性，嚇得她整夜失眠，昨日才知原來是化驗所搞錯，對方解釋是電腦系統故障，才令她放下心頭大石。
何弘軒母高燒不退
另外，34歲歌手何弘軒昨日在社交網透露媽咪確診武肺，目前身在西貢隔離營的何弘軒，接受《蘋果》電話訪問表示：「媽咪喺一星期前確診，我同爸爸都入咗隔離營，我喺西貢，爸爸喺駿洋邨。媽咪前幾日情況穩定，但呢兩日發燒，燒到38度幾，一直唔退燒，醫生仲話佢個肺有啲花，所以好擔心。」何弘軒指媽咪今年65歲，因為朋友中招後，她做檢測時發現確診，「佢朋友喺的士群組中招，媽咪同朋友見面時，食嘢冇戴口罩，去檢測發現中咗。」