曾效力過多支英超球會包括史雲斯、新特蘭及紐卡素嘅南韓中場奇誠庸，禮拜二正式宣佈結束長達11年嘅旅歐生涯，回歸佢展開職業生涯嘅韓職球隊FC首爾，雙方簽約至2023年，奇誠庸回歸FC首爾就會身披8號戰衣。奇誠庸表示：「我感覺到花咗好長時間先回家，FC首爾係我最珍惜同最心愛嘅球隊，我衷心感謝嗰啲一直漫長等待嘅球迷，我會以我嘅表現作為回報。」