吳啟明在上環經營的私房菜「慢煮兩餐」開業3年，今年初開始受到武肺疫情影響，自2月開始只做午巿、晚巿暫停，收入大跌，即使業主答應減租；但每月租金仍要約5萬港元，因此過去幾個月其實一直蝕本。有見及此，吳啟明原定捱到8月租約期滿便結業，但近日再受到第三波疫情打擊，政府收緊限聚令禁晚巿堂食，他為了減低員工染疫風險，決定昨日提早兩星期關門大吉。
吳啟明昨日接受《蘋果》電話訪問說：「本來做到呢個月31號，我仲計劃最後兩星期搞啲大食會招呼成日幫襯嘅擁躉，但呢個星期疫情好嚴重，確診數字日日幾倍咁升，我噚日決定今日連午巿都唔做，提早關門。」吳啟明坦言心情忐忑，但為員工健康着想才下此決定，他表示已付足人工及遣散費給員工。吳啟明指業主已火速把店舖出租，新租客會開西餐廳，至於埋單是賺是蝕？吳啟明謂：「呢兩個月疫情咁，午巿生意有限，至少蝕咗超過10萬，計埋3年埋單都一定係蝕，不過我當交學費。」