自從美國總統特朗普簽咗《香港自治法》同取消香港特殊地位嘅行政命令，國際社會對香港關注似乎靜咗，但咁唔代表忘記咗香港，好似Windows平台文字編輯軟件 Notepad++咁吖，為咗聲援香港人，上星期推出嘅新版本，就用「Stand with Hong Kong」命名。
Notepad++嘅開發者Don Ho仲撰文，提到去年 6 月至今，數以百萬計港人為咗自由同自治抗爭，近日中國政府喺香港實施國安法後，奪去港人嘅自由及人權，仲話國安法係涵蓋全球，所以唔好以為唔關你事，任何人即使喺美國或歐洲為香港發聲，都可能觸犯國安法，即使只係香港轉機都可能被捕，呼籲國際社會要關注香港局勢。Don Ho咁公開撐香港，八方估計Notepad++好快會俾大陸禁用。