武漢肺炎於香港爆發第三波，娛樂圈前日終於失守，麥德羅及女歌手施匡翹不幸中招，麥的女友兼施匡翹的經理人Apple姐及公司宣傳人員阿佳共4人確診。麥德羅早前開過音樂會，又出席過數十人包括謝天華、蔡一傑及鄧建明等有份參與的飯局，因而引爆娛圈武肺恐慌，在醫院的麥德羅昨日表示呼吸困難，而其好友劉少君受訪時則表示：「我應該都瀨咗嘢。」要求直接送醫院。
娛樂圈前日爆出染疫群組，有61歲歌手麥德羅、其女友Apple姐（劉麗萍），Apple姐旗下藝人施匡翹及一名freelance宣傳人員阿佳，總共4人確診，施匡翹、阿佳和麥德羅曾與眾多人接觸，令圈中人人自危。
「14日起碼見咗7日」
麥德羅7月10日晚在尖沙嘴酒吧舉辦網上音樂會，現場有40名fans出席，其好友劉少君也有份上台跟他在一起唱歌。《蘋果》昨日聯絡劉少君，他深信自己中招：「我應該都瀨咗嘢，𠵱家等緊去醫院。」是否已接受檢測知道自己中招？劉少君說：「未測試，但我feel到佢哋嗰啲嘢（病徵），全部我都差唔多有，有時會忽冷忽熱，平時我冇。原本醫務署（衞生署）叫我去隔離營嘅，睇吓呢14日有事先至去醫院，我就話：『你直接帶我去醫院啦！』佢哋話既然都咁肯定，就直接送你去醫院。」
劉少君表示自己發燒不明顯，只是晚上咳得十分厲害。記者問他何以如此肯定中招？他說：「因為麥德羅、Apple，同埋有個教唱歌嘅譚Sir，我哋全部人一齊見面，都係瀨晒嘢，我同麥德羅以及譚Sir呢幾日仲有去游水，冇理由兩個中我唔中。」劉少君表示出席麥德羅迷你騷有戴口罩，但一起唱歌時除掉。劉少君又指過去14日與麥德羅經常見面，他說：「14日起碼見咗7日，我哋之前籌備喺YouTube同facebook有個直播騷，咪成日要溝通囉。」
至於麥德羅確診武漢肺炎後，個案編號1739，報住尖沙嘴的他7月11日發病，有咳嗽及腹瀉，病情略為反覆，在醫院隔離病房留醫，昨日問麥德羅病況？他表示服藥後有昏睡，他說：「是有啲呼吸困難，我會繼續努力。」其女友Apple姐則表示：「剛收到醫生打畀我，我嗰日驗嘅病毒好少，驗咗啲血都冇事，跟住個肺又冇事，佢哋再觀察吓，冇事就放我出院。」
前晚有讀者陳先生向《蘋果》爆料，指麥德羅在發病的14日內潛伏期間，7月4日曾經和圈中多位藝人到尖沙嘴張公館飲酒飯敍，陳先生提供多張當晚的照片，相中可見除了有麥德羅外，圈中人還包括有吳卓羲、謝天華、蔡一傑、高鈞賢、鄧建明（Joey Tang）和王秀琳（Mango）。
鄧建明等檢測結果
《蘋果》前晚向Joey了解，他說：「我係7月4號出席朋友一個生日派對，當晚我去到嘅時候唱咗首歌，嗰時麥德羅都未到，我同佢冇乜接觸，不過知道佢確診，希望佢早日康復。」問可擔心自己中招時，Joey說：「梗係擔心啦，我前晚都去咗做檢測，未知結果。」昨日《蘋果》記者再問他可有檢測結果？他說：「要星期二先有，因為我醫生診所閂咗門，我打畀佢，佢問咗我啲病徵同日期，覺得應該冇乜事嘅，我冇病徵，我聽朝會去留深喉唾液樣本，呢兩日我除咗去診所都唔出街㗎啦。」高鈞賢昨日接受《蘋果》訪問表示準備今天去做深喉測試，他透露當晚與麥德羅並非同枱食飯，他說：「都隔得遠嘅，臨走時都有戴住口罩見面。」而謝天華回覆傳媒表示沒有病徵，蔡一傑則說：「我晚上7點就去坐咗一陣間，8點走時見到吳卓羲入嚟，大家開開心心影咗張相我就走嘞，完全冇見過麥德羅同Joey Tang。」
