麥長青（麥包）最近在大坑開生肉店賣和牛，女兒因疫情未能返澳洲讀書，所以妻女會輪流返店幫手。日前麥包返店看舖，他不理違規將車泊上行人路，然後返舖打理，囡囡負責收銀，兩父女分工合作。麥包前日回覆《蘋果》時說：「間店係新開，我哋試業中。因為店舖都租咗、貨又到，唔想白交租。老婆同囡囡都嚟幫手運作，嚟緊仲會搞埋網購。」
麥包表示跟朋友合股，因朋友本身開日本餐廳有貨源：「朋友見我之前蝕錢，畀機會我，得我自己邊有咁叻。自農曆年開始爆發疫情，大家慣咗返屋企煮嘢食，街巿生意多咗。我哋呢行冇乜嘢做，一直停到𠵱家，都要諗計。」他坦言動員妻女幫手，為節省開支。提到違規泊車，他尷尬說：「嗰日太多車，我都係泊住先，如阻到人會駛走。」