黃夏蕙昨日在社交網宣佈有意參選9月的立法會選舉，更留言向林鄭作出呼籲：「特首大人，請問會唔會有抗疫基金可以幫吓一班飲食界嘅朋友呢？今日行街經過附近的食肆，6點打後水靜河飛！晚市生意額跌到一至兩成！可唔可以喺一個星期內，即刻發放一啲基金，幫助佢哋呢？嗱！我好有禮貌咁問你，唔係鬧你呀，千祈唔好誤會！」
夏蕙姨關注到「入閘」條件需要100名港島區選民的提名，所以特意在fb作出呼籲，希望趕大後日前報名。不過她的政綱竟然是沒有政綱，她表示：「政綱只是美化自己的用詞，所以沒有任何政綱！總之有需求就搵我！」夏蕙姨昨日回覆《蘋果》，揚言目標只想幫助老人家：「想出一點力，為社會出點力，唔希望危害社會嘅人當選。」