立法會9月選舉提名期已經開始，隨着北京及港府開重炮打民主派初選，外界預期初選勝出者中，相當數目人士或會被DQ參選資格，但建制陣營內有人似不滿足於DQ民主派候選人，而是全力借武漢肺炎疫情再爆發，想押後9月立會選舉起碼一年，因為建制派有些人心知肚明，「即使DQ再多民主派人士，只要9月有得選佢哋都會輸，押後最少一年先選，仲有少少機會贏」。
該民主派人士稱，暫時似得何君堯一人最賣力要求押後9月選舉，「因為佢知係目前氣氛下，即使有北京力撐，佢輸嘅風險仍然高」，但不代表建制陣營內沒有其他人行動，好像他最近收到一條網上聯署連結，原來親北京的香港政研會搞網上聯署，指疫情再爆發，指選管局如何可以保證市民在衞生安全情況下投票？所以要求將9月立會選舉延後一年 防疫優先。
藉非主流組織製造民意
雖然香港政研會非建制主流力量，但該民主派人士稱，該會在批港台等行動上，均扮演組織左派民意角色，「唔排除有人想開始為押後選舉造定個勢先」，事實上去年區議會選舉前，建制陣營內一樣有聲音要求押後選舉，「有傳話當時聶德權（時任政制及內地事務局局長）覺得冇乜合理嘅理由要押後，結果建制大敗，但𠵱家換咗曾國衞做局長，成件事同舊年區選又唔同晒」，不過他指，根據《立法會條例》，特首的確有權押後選舉，但新選舉日期不得遲於原定舉行日期後的14天內，「如果真係押後半年甚至一年，香港人肯定好大反彈」。
季陶
周一、三、五刊出