早前警務處長鄧炳強接受央視訪問，以字不正腔不圓的普通話解釋港版國安法立法後，港警會以特別部門執法；有次被問到甫上任便面對反修例挑戰，有何感想，他豪言︰「我覺得係時代揀中咗我」。次文化堂社長彭志銘說：「我覺得鄧炳強講嘢幾好笑，佢唔止講嘢好笑，連做啲嘢都好好笑，但佢啲笑，我哋覺得係失笑，所以希望介紹呢本書畀佢，學吓點樣有質素嘅搞笑。」他的心水是1995年由次文化堂出版的《完全搞笑手冊》，「呢本書應該好難買得到，如果鄧炳強處長畀個like我，我就會赴湯蹈火幫佢搵呢本書送畀佢」。
言論自由世代 《老懵懂》大賣
《完全搞笑手冊》是1995年由香港橋王黎文卓所寫，他曾任《歡樂今宵》等多個綜藝節目編劇。彭志銘尤其推薦書中一段說如何做擦鞋仔，講述當時劉天賜是無綫製作總監，其上司是總經理陳慶祥，在公司人稱大陳，「喺七、八十年代，中國有句說話，你要發展工業就學乜乜大寨，山東大寨、吉林大寨等，劉天賜講『我哋TVB就學大陳』，令陳慶祥好高興，個氣氛好好，又捉到社會連結……唔係話我睇你啲戲學做警察，呢啲咪失笑，唔高囉！」
《完》成書時臨近1997年香港主權移交，寫娛樂圈趣聞，也寫政治笑話。彭志銘認為，當年香港言論自由最開放，即使是2000年，他出版的《老懵懂》一書大賣，被指諷刺時任特首董建華，亦不過被人「嘈幾句」。反觀廿年多後，鄧炳強針對《頭條新聞》連番投訴，劍指香港電台，甚至廣播處長，「政治笑話係一個地方文明自由嘅指標，如果香港冇咗政治笑話，呢個地方仲衰過文革嘅中國」。
雖然彭志銘慷慨提出可為鄧炳強和三萬警再版此書，但他知道同業擔憂：國安法稱不設追溯期，但日後再版這類政治笑話書又會否被定罪？