中國流亡民運人士余杰去年底出版了評論結集《香港獨立》，但在港版國安法之下，書名一亮出來可能已有人退避三舍，不過大律師劉偉聰認為，介紹予特首林鄭月娥最適合不過，若林鄭願看此書，可以顯示政治人物的器量及見識，「你諗吓，請邱吉爾睇納粹嘅書，或者睇希特拉嘅自傳（《我的奮鬥》），係咪可以彰顯到我哋領導人嘅器度同胸襟先？」劉偉聰強調絕不贊成香港獨立，介紹此書不等於他贊成書中主張，「但我依然覺得作為一個討論嘅命題，無論學術自由、言論自由、發表自由也好，都應該流通呢啲書籍，唔應該禁絕」。
救國是鏟除對人民迫害
余杰在北京長大，經歷過六四，因為聲援劉曉波而飽受國安調查、拘捕、綁架，甚至施以酷刑，後來逃亡赴美國定居，余杰自覺「食香港文化奶水大」，愛聽香港流行曲，也愛看港產片，曾多次來港進行學術交流。
劉偉聰道出書中主要說三件事：一是香港曾是最自由的城市，言論自由、新聞自由及法治是其核心價值；二是以個人經歷講述中共專政的本質；三是談中港矛盾，認為水貨客來港搶奶粉同樣是被專政迫害的受害者，「所以佢喺好多頁數都有講，愛國係可以嘅，但我哋先得救國。」余杰所提出的救國方法是鏟除專政對人民的迫害，而沒說要推翻共產黨。
劉偉聰解釋，余杰只在序言主張香港獨立，卻從未提及實際方案，而香港獨立只是港人無助下怒吼的政治口號，「咁空洞嘅口號背後，就係記住香港核心價值，記住中共專政政權本質、記住中共矛盾，為政者如果能從呢三方面入手，根本唔需要擔心香港獨立，『香港獨立』咁激情、咁空洞口號會消失。林鄭睇完就明，香港獨立係偽議題，管治同自由呢啲先係真正議題，等佢可以喺正確方向下永續政權」。