今年港姐選舉早前經過網上及真人面試後，昨晚公佈16位本地佳麗入圍，當中包括是非多多的藍絲賴琦媛、何君堯姪仔Bosco女友黃婉恩及黃絲空姐廖慧儀等。昨日其中11位佳麗分別到銅鑼灣及又一城髮型屋整頭「大改造」，但卻不見黃婉恩、「翻版唐寧」何孟珊、「女版金宇彬」陳楨怡、羅雪妍及性感出位的陳煦凝蹤影，黃婉恩直播時被問到有否跟男友Bosco分手，她說：「我同男友仲一齊，不過佢低調，唔想影響佢，所以先刪除Ig啲相。」
大熱之一廖慧儀穿上綠色吊帶露背裙出現，問到有傳之後會有高質海外佳麗入圍，會否視為勁敵？她說：「我唔知，隨緣啦，都要睇臨場表現。」不少佳麗新聞多多，廖慧儀指往年也有如此情況，證明多人留意。有指已辭去空姐一職，她直認：「係呀，我阿頭都叫我加油，因我想全心全意，其實一早都打算辭職，因想喺另一方面發展，加上近來都冇得飛。」
