天生一副baby face的麥子樂，其實已年屆40歲，近年不時演出多家電視台的劇集，包括在ViuTV的《地產仔》飾演「周全」，白髮蒼蒼兼佬味十足，外形上較他以往的角色破格。對於有不少觀眾力撐ViuTV等電視台的劇集題材，比無綫多元化及新穎，麥子樂仍為娘家說好話：「𠵱家係觀眾想睇乜嘢就拍乜嘢，你見隔籬台咁樣進步，你都要進步。」畢竟正值不惑之年，他很清楚自己需要甚麼，更要貼地不能脫節。
撰文：寶妮
攝影：林德雄
麥子樂2002年無綫訓練班出身，由路人甲開始做起；2012年轉投HKTV，繼而加盟過英皇電影，去年再成為古天樂開設的天下一的旗下藝人。自離開無綫後，這些年來，他參演過不少電視台的劇集，對此，他認為現在是由觀眾口味做主導的年代：「唔好話ViuTV，之前嘅HKTV都有少少唔同，以前啲前輩話劇集唔係拍畀觀眾睇，係教觀眾去睇；但𠵱家係觀眾想睇乜嘢就拍乜嘢，連TVB都慢慢開始拍緊唔同類型嘅劇，係好事，因為有進步，你見隔籬台咁進步，你應該都要進步！」例如老友馬國明主演的《降魔的》，他便覺得題材也很新鮮。
請教吳肇軒
最近，麥子樂在ViuTV的《地產仔》中飾演「令狐飛」吳肇軒舅父仔「周全」，是他和吳肇軒第二次合作：「我好鍾意同後生演員打成一片，因為我唔想脫節，我想知班後生仔佢哋做緊乜嘢、睇緊乜嘢。」雖然是對方的前輩，但麥子樂也會向對方請教演技：「我係訓練班出身，佢哋係讀出嚟，我哋嗰套同佢哋又唔同。佢演技梗係好，一嚟就有，我畀乜嘢（指演出反應）佢，佢又畀到乜嘢我。佢唔係死背劇本，演戲係要咁有交流先好玩。」
預演新角色
非正式統計過，麥子樂入行以來大部份都是飾演古惑仔或低下階層，他說，其實只要角色「好玩」便會接拍，即使演繹同一類角色，他也不會千篇一律以同一個方法演繹：「就算又係做古惑仔，都可能呢個土啲、嗰個新潮啲，喺劇本賦予角色性格上，再加上一啲特質。我慣常做法係接到角色後，一個月前已開始演緊呢個人物。」正如今次他接《地》劇，開工前便先為「周全」寫個自傳，當中包括性格等資料，然後日日熟讀，以了解及投入角色。而年前拍的同志獨立電影《看見你便想念你》，他更在開拍前花了近3個月熟讀角色：「呢個係自己一個好舒服嘅做戲方法，出嚟效果係好自然。」
場地提供：Open Parties