幾星期前，在專欄介紹過好友C用A4紙減壓的方法，上星期跟他見面，談到他早前領略到的另一個心得。事緣幾個月前，因為疫情，C滯留外地，患有糖尿病的他，需要替換手臂貼上的血糖監測器，因為滯留的緣故，沒帶後備，惟有嘗試到藥房購買。
C到酒店附近的藥房，藥劑師聽後，皺一皺眉頭，C心想，應該如網上所述，在當地並不容易買到，正要轉身走時，藥劑師建議：「不如我哋入去坐下，等我再瞭解清楚。」C有點不知所措，因為自己只是過客，沒想過藥劑師願意花時間瞭解他的需要。進了辦公室後，藥劑師幫C打電話給供應商，C跟對方職員傾談後，覺得對方並不太能幫得上，放下電話，C又準備離開，他跟藥劑師解釋不希望浪費她的時間，怎知藥劑師這樣回答：「我當呢個係學習嘅機會（learning experience），我都想知多啲，下一次遇到呢個情況時可以點辦，所以我唔覺得係一件麻煩事，不過你可唔可以畀一日時間我，等我check清楚究竟有無貨，同埋睇吓要收你幾多錢。」
C聽到藥劑師這樣回答，覺得也不妨一試，第二天，C再到藥房，藥劑師已經查清楚監測器的價錢，也有現貨，所以C可以立即買一個更換，C當然非常感激藥劑師的幫忙，再三表示不好意思，麻煩到她，但藥劑師仍然是衷心的一句：「一啲都唔麻煩，呢個係一個learning experience，我又學多咗一樣嘢！」
C跟我說，他從藥劑師身上學到一個很有用的減壓秘笈，我們一般都很怕碰上未遇過的問題或情況，因為沒有先例可循，要花時間瞭解，可能要問人，可能要自己「度橋」，所以一般都覺得是一種壓力，相信不少人遇到藥劑師的情況，也會暗忖「咁麻煩㗎」，又或者「做乜要搞住我呀、搵啲咁嘅問題畀我煩呀！」不過，如果從另一角度去看，其實任何一個難題，也是一個學習的機會，霎時間，這個難題再不是難題，反而是一個得着，有機會學多一樣東西，多一點本領。原來一念之間，難搞的事情竟然可以變成一個增值的機會，壓力也迎刃而解。
http://fb.me/1486drlee
李德誠 精神科專科醫生
想輕輕鬆鬆健康啲，記住留意健康蘋台
http://health.appledaily.com.hk/