八方噚日寫過，話說美國國務卿蓬佩奧（Mike Pompeo） 前日喺twitter上載愛犬Mercer嘅相片，當中嘅小熊維尼成為亮點，蓬佩奧話「Mercer與她心愛的玩具」，即係Mercer將「小熊維尼」當玩具咬，而維尼可以代表乜大家唔使講都知，所以一班翻牆小粉紅見到立刻「好嬲好嬲」鬧爆蓬佩奧。
連登仔：警隊越洋執法
蓬佩奧噚日接受愛荷華州一個電台訪問，主持人好嘢，問蓬佩奧張維尼圖有冇其他意思？蓬佩奧話冇特別意思，只是想平均分配顯示 Mercer最喜歡的毛公仔。主持人追問佢BBC有一段報道，調侃照片另有深意，蓬佩奧大笑話：「我沒有看過！」到底蓬佩奧真係無心，抑或另類向中國「發炮」？相信答案只有蓬佩奧同埋Mercer知道，小粉紅要搵出真相，恐怕要請動物傳心師出手喇。有連登仔就笑住話，蓬佩奧已經觸犯咗國安法，三萬警隊係時候要越洋執法。