武漢肺炎疫情在港爆發第三波，港府的新限聚令近乎宵禁，網上影視平台hmvod鑑於戲院被迫關閉，由前晚開始，觀眾可於每晚9時半至凌晨5時於fb專頁免費睇戲，當中播放的本土電影包括前晚的《作家的謊言：筆忠誘罪》及昨晚的《一路向西》，今日依次序播出《小男人週記3之吾家有喜》、《壹獄壹世界：高登闊少踎監日記》、《西謊極落：太爆太子太空艙》、《猛龍特囧》及《棟篤特工》加長版。
有份演出《作家的謊言》及《壹獄壹世界》的張建聲直言港府的新限聚令，對他好大打擊：「工作要押後同改期，同埋冇得出街啦，希望疫情快啲過。」而《壹獄壹世界》男主角王宗堯則指：「嚟緊大家要有心理準備唔會淨係呢七日，我覺得上次以政府做嘢嘅速度同應變得咁慢，所以大家有定心理準備接下嚟嗰個月會好危險，香港人繼續做好自己嘅嘢，自己做好防疫措施，要洗手要戴口罩，返屋企同食嘢前要做好清潔，有唔舒服記得要睇醫生。」