航空業難做，連國泰（293）都要做外賣。集團旗下國泰航空飲食服務今日推出外賣服務，將「飛機餐」送到地面，不過送餐範圍僅限東涌及包括禁區的機場區域。
每款午餐只售40元
國泰航空飲食服務話，明白喺機場地區工作嘅人士希望輕易購買外賣午餐及保持社交距離，所以由今日開始為機場同業推出午餐外賣服務。每逢星期一至五，只要喺上午10時前透過短訊訂餐，便可於同日中午時段收取外賣午餐。
現階段有兩款西餐及兩款中餐選擇。每款午餐只售40元，相當抵食。
國泰航空飲食服務過往專做機艙食物，每日最高可生產14萬份艙食。由於國泰旗下航班驟減，呢間公司嘅工作量及收入亦大大減少，唯有做埋外賣，希望殺番條財路！
李華華
mailto:[email protected]