【本報訊】堂食宵禁令昨日生效，食肆晚六朝五禁止堂食，為期七日。食肆首日禁堂食，有商戶索性關門休業，即使做晚市外賣亦推額外優惠吸客，生意亦大跌九成。有食客批評，措施令夜班打工仔不便，有人外賣後需在街道或公園進食。
記者昨晚6時到旺角黑布街及白布街一帶了解，該帶酒吧和火鍋店林立。「安東元祖奶奶雞」昨起關門七日，鐵閘外貼上暫停營業告示。酒吧「Cheers」亦關門，但旁邊酒吧「TAP」則照常營業。
生意跌九成
旺角「陸陸雞煲」轉攻晚市外賣生意，推出「1蚊雞」優惠，外賣份量有半隻雞的雞煲。負責人黃先生表示，新措施對生意影響甚大，「起碼大跌九成，本身（晚上）6點先營業，成晚生意都冇咗，𠵱家提早到12點開，但晏晝邊會有人打邊爐？」對於附近有火鍋店索性關門，但其店仍堅持營業，黃先生說：「夥計都要出糧，我哋都要交租，夜晚都有人要返工食嘢，推出優惠都係想為咗佢哋」，冀政府盡快推出補貼。
食客麥先生特意到場外賣，表明為「支持黃店」，他認為新措施多餘，令餐廳損失慘重，「唔通得夜晚先會傳染？日頭都有人食飯㗎嘛，都有感染機會」。
火鍋店「616七桌子」合夥人林瑞華指，餐廳推出外賣優惠，但昨晚生意與預計一樣，僅是平日的一至兩成。他稱會觀察多兩、三日，「睇埋周末日生意」才決定會否關門。「阿木台灣麵」老闆娘Polly稱生意下跌約三成。以往堂食佔八成，現主力外賣生意，「五點幾有客想入嚟食，我同佢哋講六點起唔可以喺店食，佢哋就走咗」。
「光榮冰室」旺角分店食客陳先生晚上6時後到場買外賣，批評新措施造成不便，「對打工仔嚟講，返夜晚嗰啲，出唔到嚟食飯都係影響」，未必所有打工仔都能外賣回辦公室吃。堂食宵禁令相當嚴苛，叙福樓主席兼行政總裁黃傑龍昨在fb帖文指，原先安排晚市食客可在餐廳內等候外賣，惟晚上收到食環署通知指，經諮詢律政司後，晚上6時後食客進入餐廳等外賣和員工在餐廳用膳均屬違法。他感嘆，「今日喺香港想做些事係好難，一心想增加社交距離等人舒服啲等外賣，希望可以減少塑膠垃圾跌入堆填區，都失敗」。