曾經是大律師的林作，早前其前度女友、「十優港姐」麥明詩放棄演藝工作，轉職在管理諮詢公司做商業顧問，林作亦轉投保險行業數月，不過他最近卻惹來投訴，讀者Vanessa日前向《蘋果》投訴和林作傾保單時「不被尊重」，更指其後被林作恐嚇，林作更傳短訊直言：「你呢種垃圾，我會給你一個教訓」。《蘋果》聯絡林作，他卻指是對方撩是生非。
林作投身保險行業已數月，但近日卻給客戶投訴。讀者Vanessa日前向《蘋果》投訴被林作恐嚇，她表示早前從《蘋果》得知林作開始做保險，碰巧有需要，所以相約見面：「我問有乜醫療計劃適合我，佢就話我只需要買一份儲蓄危疾，我話危疾我已經買咗幾百萬保額，𠵱家只需要一份實報實銷醫療保，佢態度就180度轉變，開始唔理我，然後弄自己的iPad，我見佢咁態度就話考慮下。」
Vanessa表示會向保監局和林作所任職的保險公司作出投訴，並提供了在社交平台發表一則對林作表現的評論文章截圖，文章對林作的評價是：「但總是離不開帶點二世祖的傲氣，見客態度有待改進，還是不夠貼地」、「就算你牛津咩咩咩都好，都不可以太過寸，係要需要更加謙虛」等。她聲稱：「我覺得自己不被尊重，最後收到恐嚇。」
林作保險羅生門
要對方跪下來道歉
Vanessa提供和林作的WhatsApp對話截圖，當中有林作罵Vanessa「你呢種垃圾，我會給你一個教訓」、「我不會放過你」、「你不賠償跪下來道歉我不會停手」等，最後林作要求她出道歉post，否則會採取法律行動。對話中Vanessa曾經向林作道歉「我覺得做人無需要咁樣」、「如果我得罪你，好。我道歉，對不起」。
《蘋果》就此投訴聯絡林作，他跟女事主的說詞卻大有出入，反指對方撩是生非在先，原本要求對方出post道歉便不再追究，但對方出完道歉post，卻繼續生事，並對其下線同事和女友裕美作出騷擾，為要殺一儆百，決定訴諸法律行動。
林作說：「我喺度嚴正聲明，呢個人應該係有精神病，或者有社會病，我公開提出贊助佢醫藥費。佢周圍撩是鬥非，靠同人嗌交維生呢啲人好可悲。」同時提供了WhatsApp群組對話截圖，稱是Vanessa對其下線同事作出的滋擾對話證據，截圖中Vanessa寫道：「連林作都要畀面我，就憑你講兩句我要聽你講？請問你邊位？」等。
「夠膽玩嘢冇好下場」
至於事件始末，林作透露約發生在兩周前，對方主動在網上聯絡他，於是他和下線一位同事赴約推介服務：「佢完全唔願傾，佢唔係一個客，只係想頴水吹，呢種人以為自己特別巴閉，騷擾我、下線、冇見過嘅下線同事，又send短訊講關於我女友嘅嘢，我唔叫性侵犯，都叫對我私事造成滋擾。」他續說：「有網民同我講，佢想做新聞想出名，佢想見報，我唔想益咗呢啲人。既然要講，佢間鋼琴學校學生千祈唔好搵佢補習，佢係有病，呢啲人一定要繩之於法。」
問到林作如何被誹謗，能否提供證明？他說：「大把。老實講，佢出咗道歉信，又想繼續做，我係奉陪到底，我公開佢資料，將所有精力令呢個人一無所有，我要令所有人知道，夠膽同我玩嘢嘅人係冇好下場。除非佢拍片跪低面對我道歉，否則我一定進行落去。」