意甲神奇球隊阿特蘭大嘅克羅地亞中場柏沙歷，喺周二嘅聯賽對布雷西亞第一次連中三元，幫球隊喺主場以6:2大炒對手，復賽後繼續保持不敗兼升上聯賽榜第二位，認真威水！阿特蘭大今季累計攻入咗93球，只要再入1球就可以追平拿玻里喺16/17年球季所創造嘅單季最多入球紀錄，以阿特蘭大目前嘅火熱狀態同埋仲有五場波喺手，要創造歷史冇問題！