雖然太陽飛馬在其短暫歷史未能贏得任何錦標，但陳志康在13/14球季當選港甲最佳教練。這位前港隊翼鋒其後選擇淡出球圈，轉戰商界，獲邀負責經營兒童教育中心，也涉足健康集團生意，眾多界別中，他坦言最享受其實是教練工作，因夠刺激。
太陽飛馬於14/15球季退出港超後，Cow sir想嘗試足球以外的工作，獲商界朋友支持成立教育中心，年初更開始營運基因健康集團。他說：「受疫情影響，教育中心生意下跌7、8成，今年開始接觸健康產品，運動員身份係有優勢，呢方面生意幫補到收入。」
問到Cow sir最喜歡那個角色，他坦言始終最享受在足球場，當中以教練的過程最享受：「曾任教練、總監或董事，自覺教練工作樂趣較大，教練工作好刺激，自己好享受帶隊所帶來嘅壓力，比做球員更刺激，因為好多嘢係好即時，例如輸波要諗球隊出咗咩問題，要即刻進行檢討；贏波即時得到好多，喺場內睇到球員同球迷反應，自己有好大滿足感。」