太陽國際體育會於12/13球季接手飛馬，以太陽飛馬名義出戰港甲，縱歷史甚短，但對開始轉趨沉寂的球市帶來相當衝擊，可是前飛馬領隊兼教練陳志康透露太陽退出職業球壇，主因並非未能贏取冠軍，而是贊助商看不到球圈各方有齊心搞好聯賽及足運的決心才退出。
太陽於12/13球季接手營運飛馬，這支由陳志康任大舵手的商業隊出現，為球壇帶來相當大衝擊，教練方面提拔郭嘉諾及陳婉婷，球隊以主攻踢法吸引球迷，場外增加宣傳及推廣，要求球員注重場外形象，可惜這支商業大軍短短三季便「撤離」本地職業球壇。
Cow sir指很享受當年搞太陽飛馬的過程及氣氛：「班主好支持球隊投放資源去推廣，主場會設攤位遊戲同親子活動等，賽前播正選陣容介紹片，呢啲喺外國其實一早有，亦可提升香港足球及球會形象。」飛馬球衣更曾獲Yahoo贊助。
入座率曾冠絕港超
雖然飛馬在港甲及港超三季未能交出成績，但在14/15球季場均入場達到1,600人，是該季之冠，證明方向正確，但Cow sir透露未能奪冠並非贊助商不再支持球隊的主因。他說：「搞波係需要投放好多資源，要整個圈通力合作先睇到前景，當時班主覺得球圈並唔團結，亦唔配合，咁樣好難提升聯賽價值，改善入座，而贊助商覺得投放幾年就夠，所以決定放棄參加港超，而太陽國際今年已冇再投放資源喺足球。」
Cow sir指有興趣投放在足球的老闆其實不少，可是看不到有太多實質回報，難令班主、公司企業長時間投入大量金錢，「其實唔係易事，球圈好多嘢令到搞波嘅人心灰意冷。港超聯球會每季班費加埋可以去到兩億港元，呢啲唔係少數目， 班主投放咁多資源，冇可能單靠興趣搞足球，最少都要令參與者覺得有存在價值，但又有冇人想辦法提升聯賽價值呢？足總有好大責任協助聯賽發展，令到賽事可吸引到贊助支持，當賽事受各界關注，咁先係真正進步。」