民主派初選有61萬人投票，傳統民主派政黨多名候選人出局，本土及抗爭年輕候選人大勝。特首林鄭月娥、港澳辦及中聯辦即出聲明炮轟初選，更指組織及參加初選人士涉違反基本法及港版國安法。有民主派中人指，北京如此重手轟初選，相信是選舉結果觸動了北京神經，「可能佢哋冇預計咁多本土同後生仔候選人當選，所以結果一出就開炮」，他更預期港府對民主派立會候選人DQ力度將更大。
後生仔大勝 北京不安
該民主派人士指，連一些建制中人也對傳統民主派多人敗選感意外，「有啲後生候選人，佢哋連個名都未聽過，反而高票當選」，他相信北京也有此疑問，「特別係咁多本土同支持抗爭嘅候選人當選，必然令北京好不安」，但該民主派人士直言，在今天政治氣氛下，「呢班後生仔贏初選好正常，即使去到正式大選，傳統民主派候選人得票應該會升返，但呢班後生仔嘅票唔會少，呢個係民意反映」。
他更估計港府未必會容許這些本土及抗爭候選人入閘參選，特別是兩辦強硬聲明，令他相信被DQ民主派候選人，可能較民主派預計的更多，但他認為除非沒有立法會選舉，否則即使DQ這班本土派，「總有佢哋嘅Plan B、Plan C出嚟選，可能有啲後備人選嘅背景，完全係白紙一張，根本冇理由DQ佢哋」，到時只會引起民主派支持者更大不滿和反彈。
季陶
周一、三、五刊出