譚詠麟（阿倫）日前於微博上載踢波後跟葵青警區指揮官謝振中及梁漢文的三人合照，令不少「梁粉」失望，與梁漢文曾是波友兼好友的王宗堯前日在社交網留言：「好波重要，定係梁知重要。（我無打錯字）#朋友我當你一世朋友」。王宗堯昨回覆《蘋果》說：「睇吓會唔會有人對號入座啦。」準備10月開紅館騷的梁漢文因一張合照，令網民紛紛於他的Ig留言表示罷睇及重提他醉駕事件。
梁漢文昨日於個人fb寫道：「等咗半年先踢到一場波，估唔到𠵱家踢場波難，原來做人更難。踢完走，校長拉住話影張相……做人應該尊重前輩……影張相，原來會被人覺得犯下彌天大罪。天下判官何其多，我問心無愧便是了。」他更貼自己作品《正氣歌》，似乎暗示沒有做錯。可惜得不到網民及fans認同，有人留言：「比起倫伯嘅真心藍你嘅秒速割席賴『前輩』更令人不齒」。