【本報訊】政府今起強制所有公共交通工具乘客佩戴口罩，違者可罰5,000元，司機也可拒違規者登車。港鐵工會擔心，若遇上違規乘客，前線人員恐成磨心，促請盡快訂定清晰指引，「究竟邊個執法？點樣規管？先勸喻定點？」
工會促提供清晰指引
港鐵新動力主席陳凱暉擔心，新例實施後前線與乘客衝突增多，若乘客拒戴口罩，前線是先勸喻、警告，抑或即票控，「如果見到第一卡有乘客冇戴口罩，係唔係停咗唔開，等佢戴返先？」港鐵車站範圍廣，未知管理層會否增人手巡視，促港鐵提供清晰指引。
香港專營巴士僱員總工會主席郭志誠指，有些乘客未必知新例實施，執行時恐有爭拗，且新例豁免部份人士戴罩，如依賴讀唇或殘疾等人士，工會已提示司機，若未能分辨乘客有否合理權限，應請示上司或報警。他認為疫情爆發之初早應規定乘客戴口罩，但政府放任不理，巴士公司也逃避責任，「呢半年冇事係好彩」。
新巴城巴表示，會加強提醒乘客戴口罩，如用巴士車廂報站系統及巴士站班次顯示屏等，並會在車廂貼通告。食衞局長陳肇始昨出席電台節目指，若有乘客違規，負責人可作勸喻，而執法則由警方負責。
港鐵表示，會在車站、列車、輕鐵及港鐵巴士上提醒乘客防疫新例。香港電車回覆，除網站和社交平台外，也會在車站及車廂登車位置貼通告。
乘客梁先生認為新措施有阻嚇作用，他曾見過有人搭車不戴罩，「唔單止唔戴，仲會咳」。但他認為司機難知誰人未有戴罩，「唔通叫個司機睇住咩，佢要揸車」。