書展雖然延期舉行，但早前有一本名叫《私影模特兒名鑑2020》的寫真集已準備推出，而且惹來爭議。《蘋果》昨日收到讀者爆料，指近日有多名私影模特兒，在社交網上炮轟私影搞手兼攝影師Stephen Fan（別名「大樹」），指他在未經模特兒同意下，將多年前的私影相片編製成書。名鑑中包括百位私影女仔的相片及個人資料，其中一位模特兒Hisa接受《蘋果》電話訪問，她仍氣難平：「我今年5月去咗個私影會，人哋夾錢影我，因為佢係搞手冇畀錢都一齊影埋。影嘅時候冇講過會出書，影完就叫我填份form，當時冇填，事後send個電子版嚟，我拒絕就畀說話我聽，呢個人真係好缺德。」據知有十多名「苦主」開了一個短訊群組欲聲討Stephen。
律師：版權人決定
Stephen接受記者訪問說：「我哋個攝影會出番本目錄介紹吓影過嘅女仔，唔係寫真集，有埋佢哋Ig、fb可以約佢哋私影，出版都係幫佢哋接多啲生意。」對於有女仔表示不願意，他續說：「全部都有message，但有啲『已讀不回』，咁我哋咪照落囉。」名鑑每本售價200元，他稱收益會撥入攝影會。翻查資料，Stephen於2007年曾因邀請日台女生來港私影，被控非法僱用黑工罪成，入獄兩個月。律師黃國桐表示一般私影版權屬於攝影師所擁有，能否作商業用途？他說：「由版權人決定，除非合約內有訂明條款細則。」