由於工作需要，樂瞳現時要經常酒不離口，先是一星期會有一日試酒，希望從中發掘更多新酒出售，另外還有應酬、學術交流等，不過樂瞳聲稱酒量淺：「我都係以品酒為出發點，唔係大大杯咁飲，其實我喺四、五年前先開始飲酒，酒齡唔係好長，之前係完全唔飲酒 。」
樂瞳謂初期飲酒時一晚可能飲不同的酒，又紅又白，還有cocktail及日本清酒等，她說：「混埋咁飲一定唔舒服，𠵱家通常只會飲一款，同埋慢慢飲，試酒時唔會真係吞。」她坦言以前也試過飲醉而嘔吐大作，兩杯落肚便變得興奮不停說話，她笑言：「我本身個人比較慢熱同內斂，又唔識同人傾偈打開話題，但飲完後會放鬆放開同人傾偈，人哋都笑我話立即健談咗，所以覺得都少飲怡情。」