周一英超獨腳戲，曼聯主場迎戰修咸頓。曼聯是復賽後狀態最好的球隊，5場聯賽4勝1和兼近4輪皆淨勝對手3球，攻力強大。雖然「聖人」修咸頓近況同樣不俗，但遇上大勇的紅魔難逃一敗。曼聯贏波將可進佔前四位置，主場讓球半/兩球仍可撐上盤。
文：亨少
曼聯上仗作客護級分子阿士東維拉，雖然波基斯費南迪斯（B費）博得的12碼極具爭議性，但隨後格連活特及保羅普巴的入球同樣有質素，三球大勝維拉頗具說服力。
連續4輪淨勝3球
紅魔在大勝一場後，更成為英超史上首支連續4場比賽成功淨勝對手3球的球隊，足見現時紅魔火力與狀態之強橫。現時紅魔陣容相當穩定，前線安東尼馬迪爾居中，拉舒福特及入球停不了的18歲小將格連活特分居左右，中場有加盟以來貢獻7個入球及6次助攻的B費（見另文），加上普巴及尼曼查馬迪兩人，如此陣容近幾仗下來運作極為順暢，今仗預料領隊蘇斯克查亦會派出以上陣容迎戰聖人。
曼聯依然要為爭入前四而努力，加上車路士在周日吃敗仗下，只要紅魔今場贏波，便肯定可以進佔前四。一眾紅魔主力狀態正佳，雖然防線未能給予球迷太大信心，但球隊強勁攻力值得信賴，可望在主場再下一城大勝一仗。
修頓對Big 6輸多贏少
作客的修咸頓雖然已經上岸，不過近期比賽依舊交足貨，上仗主場迎戰次席的曼城，靠前鋒查阿當斯一記神來之筆的笠射收死艾達臣摩拉斯，爆大冷以1:0擊敗「藍月」，近3戰2勝1和保持不敗。修頓今仗作客奧脫福勢必難踢，事關與無欲無求的曼城相比，紅魔搶分鬥心高得多，聖人要保不敗身絕非易事。修咸頓今季作客成績比主場好，惟面對Big 6球隊輸多贏少。加上聖人上次擊敗紅魔已是2016年的事，近三季對碰紅魔保持不敗，今仗大可靠近期佳態再下一城，上盤可期。
