民主派發起的立法會選舉初選昨晚結束，面對港版國安法壓力以及武漢肺炎疫情再爆發，最終有61萬市民投票，令不少民主派大感意外。有民主派中人更笑言，初選成績出人意表，應該多謝政制及內地事務局局長曾國衞及警方，「冇佢哋臨尾搞一搞，一定冇咁多人出嚟投票」。
DQ需付更大民意成本
該民主派中人指，民主派初選一直給他們感覺是「炒唔起個勢」，建制派、港府也十分「識做」，一直冷處理，「搞到好多街坊連幾時初選都唔知」，再加上臨投票前數天武漢肺炎疫情再爆發，「初頭大家估有20幾30萬人已經好好」，怎知政制局長曾國衞忽然接受訪問，指初選或違港版國安法，「呢下連建制陣營入面都有人唔明，佢為乜衝出嚟幫初選谷人投票？」事後身兼基本法委員會委員的梁美芬立即出來降溫，指任何派別也可在法律框架容許下搞初選，「佢就係唔想刺激市民出嚟投票，點知轉頭差人喺投票前又走上去香港民意研究所搜查，變相又幫民主派催票。」
今次初選有61萬市民投票，即日後每名報名參加立會選舉民主派候選人，「背後有以萬計甚至十萬計民意支持」，政府日後要DQ他們將付出更大民意成本，「國際媒體一定更加關注北京及港府，會唔會用港版國安法DQ呢班有民意支持候選人，政府變相增加自己嘅麻煩。」
季陶
周一、三、五刊出