清水心跳今日主場迎戰大阪飛腳，主隊續勢頹，今場未必能在整體實力較強的飛腳身上反底，客隊讓平/半捧上盤。（球賽編號：星期日1；有線661台今日5:00pm直播）
現時排第17位的清水心跳開季3戰全敗，創下球會史上最差紀錄。球隊上仗對大阪櫻花大部份時間陷於苦戰，最終在比賽尾段連失2球以0:2落敗。不過清水教練奇莫林夫斯基賽後表示會維持現有戰術，可預期今仗在戰術上未必會出現大幅變化。人腳方面，清水今仗續有石毛秀樹及連拿度奧古士圖缺陣，預料球隊將會維持輪換策略。
至於大阪飛腳自聯賽重開後獲得1和1負，不過仍保持不俗的入球能力，對上2仗合共攻入3球，而且球隊韌力十足，往往能夠在比賽尾段取得入球，今場面對今季日職最後15分鐘失球數字最多的清水會有一定優勢。加上球隊上場在中段時間已經換出三位前鋒，相信隊中的正副前鋒球員均有足夠體力在今仗搏殺。
櫻花鯨魚愛鬥「大」
同日另一場，榜首的大阪櫻花主場對名古屋鯨魚，兩軍今季均入球停不了，雙方開季至今所有賽事均能破門，今場勢必合演入球騷，力撐「入球大細」中位數[2.5球]的「大」。
文：薰爵