周六英超賽事白禮頓主場迎戰曼城，前者先後敗給曼聯及利物浦，事隔三日又再對強敵曼城，白禮頓隨時未回氣；曼城今季英超雖沒太大目標可爭，但球隊希望寓戰於操備戰歐聯，加上中場奇雲迪布尼持續大勇，史達寧、貝拿度施華兩名具速度的進攻球員上仗又獲得休息，今仗面對白禮頓高大但轉身極慢的守將，又會是數糊的時間，以曼城的攻力今仗讓球半/兩球可照捧上盤。（球賽編號：星期六42；now621台明日3:00am直播）
曼城雖然缺少射手阿古路，但哥迪奧拿刻意在餘下英超聯賽嘗試不同進攻板斧，結果近仗4:0大破利物浦及上仗5:0狂數紐卡素。事實上，曼城中場奇雲迪布尼今季已交出11個入球18次助攻，今仗如再有入球進賬或助攻，將可突破「30+」數據，而上仗貝拿度施華及史達寧均先列後備，今仗可望有足夠體能撕破對手防線。
事實上，上季曼城作客亦4:1大破白禮頓，今季首循環亦贏對手四球，明顯剋住對手。加上主隊近期連場硬仗，先後以0:3敗給曼聯及1:3敗給利物浦，相信今仗面對攻力更強的曼城將難逃一劫，特別是丹般恩、李維士鄧克、阿當韋斯達等，全屬高大但轉身慢的守將，令曼城史達寧、馬列斯等快馬有更多空間發揮，曼城今仗讓球半/兩球照捧上盤。
文：尊嘉
