家陣以81分高踞英冠榜首嘅老牌球會列斯聯(圖),周四主場大炒史篤城5:0後,以6分領先排第3位嘅賓福特(未計周五戰果),喺剩番四輪聯賽情況下,球迷好大機會事隔16年後再喺英超見到列斯聯。其實喺停擺前,列斯聯一直都只係排第二,不過復賽後狀態唔曳,過去5場波只輸過1場,令佢哋力壓西布朗升返上榜首,加上之後四輪對手都係中下游球隊多,應唔會好似上季咁燒鬚啩。至於一眾外國列斯聯球迷對球隊重返英超都表現得非常期待,仲話相信喺阿根廷名帥比爾沙帶領下,可四年內贏到英超冠軍。