【本報訊】泛民主派陣營今、明兩日舉行初選，為9月立法會選舉爭取「35+」踏出重要一步。最早提出「35+」的港大法律學院副教授戴耀廷，初選前夕接受本報專訪，直言國安法下「35+」初心不變，「就係要繼續為對手增加壓力點」，又以球賽比喻，「呢場已經係國際賽，全世界睇緊香港落場，我哋要有更創意打法，搵35+打出隊形」，他更預視如達成目標，未來焦點已非立法會，而是可令選委會選舉翻天覆地。
泛民初選最終能否如願舉行仍有變數，除了受武漢肺炎疫情再爆發影響，就算投票當日，港府仍可藉詞打壓，由限聚令到最新的國安紫旗，可用工具層出不窮。近期公開明言對初選投票人數不樂觀的戴耀廷，強調初選程序較大家想像簡單，不擔心因此有人龍聚集，料從防疫角度可減輕壓力。
戴耀廷解釋，現時投票安排屬半網上形式，選民自備手提電話，Android用家可先下載「普及投票4.0」投票程式，iPhone用家當天可從「票站」獲悉投票網址，之後按指示輸入票站編號及個人資料，即可開始投票，整個程序其實不需要在「票站」進行，「選民到時可以返屋企，慢慢睇候選人政綱，甚至食個午飯邊食邊揀」。當投票完成，程式會產生一個二維碼（QR code），此時選民需要到票站，由工作人員掃描二維碼，確認投票人士資格及作身份認證，料有關步驟最快需時少於一分鐘，「所以我哋唔叫票站，只係一個進行確認嘅服務點。」戴耀廷補充，身份證明除身份證外，還可用住址證明。
全港設約250投票服務點
民主動力在全港將安排約250個投票服務點，「我好想見排隊呀，但計返條數，每個站有1,000人去，就會有25萬人參與初選，但每日其實只係500人，除開12小時即係每個鐘幾十人，出現排隊機會唔高。」
面對香港實施國安法，不少人認為即使民主派爭取到「35+」已未必有用，但戴耀廷表明對「35+」初心不變，作用是「用嚟繼續為對手增加壓力點，亦會帶我哋去下一階段，特別國安法下會令更多選民由藍轉黃，所以35+焦點唔係直選而係功能組別，如果搶灘成功，直選嗰邊就唔使擔心。」
「發揮創意be water」
他進一步分析，功能組別牽連明年選委會選舉，如民主派攻下部份功能組別議席，反映選委界別議席亦隨時成為囊中物，「拎到35+，政權都會做嘢，可能DQ到變35-，但佢DQ唔到選民，中共覺得唔穩陣，咪唔搞特首選舉，《基本法》話可以協商產生，但國際社會睇住，原來香港就係咁。」
本身愛睇波的戴耀廷又以球賽為喻，形容港人已跳級參加世界盃，「唔係外圍賽，係打緊決賽周，唔到全世界唔睇，因為佢哋都要睇清楚中國」，所以落場「港隊代表」更要打出表現，「今次更加想呢35+打出隊形，點樣打係路線之爭可以傾，要發揮創意，對手以為自己睇穿我哋打法，更要靈活應對，即係be water；大家做球迷，手上張飛（選票）係可以入場幫手揀正選，冇理由唔用。」
