無綫前主播陳嘉倩近日連環惹是非，先被指常黑面，之後又在清談節目自爆被全能藝人深夜發求愛訊息，與崔建邦扯上關係。幸好緋聞無礙工作，昨早她和余浩宗（Cyrus）一同到屯門為超市開張任司儀。
對於牽涉連串負面新聞中，陳嘉倩未發聲，Cyrus即急護好友：「勁無聊啦，黑人問號，希望專注返疫情或有意義嘅事。我哋識好耐，進入化境，花邊新聞唔需要澄清。」對於和崔建邦緋聞，陳嘉倩說：「之前都否認咗，唔想再回應，真係黑人問號。」Cyrus再為她解畫：「勁騎呢囉！ 我同佢食飯都話我追佢啦。」兩人已幾個月沒正式公開做司儀，幸好沒有生疏，而陳嘉倩近期更向唱歌及娛樂節目發展，她笑指自己是百搭。