香港失守。香港失守。香港失守。
国安法君臨天下，衞生署張竹君醫生，好均真，一錘定音，嚴重性，有眼見，我幫佢講三次。
龍門（唔係冰室）搬來搬去，球證、球員由鄭市長指派，唔俾外籍球證球員落場。球例在一個禮拜之內，閉門度出來，中英文版本唔一樣。VAR嗎？強力部門的大爺，兩手空空摸上門，搜硬。
講緊国安法插港諸公，再講下去，只能用火星粗口，勉強表達到心意。
酒店進駐，一夜間，變東廠。柒出西環，搞埋天后。向對面的皇仁示範，紅線已經勒緊你條頸。
Queen大，不及帝大。知啦，精英校友中的佼佼者袁國勇教授，從崎嶇的沙士走到武肺全球大爆發，對國民共享野味劣根性之深惡痛絕，七一以後，會不會被淋恐怖白油，被扣煽動憎恨的帽子呢？問鄭市長，肯定標準眼眨眨答：過去一星期，我睇唔到呢種恐懼。這樣答題年年都考到第一？楊局長還是做𡃁的當年，教育真的有問題！
香港失守。社區爆發。国安法，好腳頭……！