【本報訊】警方在「颶風行動」派出卧底探員搜集黑幫證據，卧底目睹水房、又稱和安樂的三合會社團內訌，骨幹「大眼」聯同另一三合會新義安「肥波」向水房前坐館「子鳳」「晒馬」，兩人稱兄道弟，肥波向大眼表明：「你有事我哋老新撐硬你。」三人昨在區院全被裁定罪成，昨天更是子鳳61歲生日。
卧底目睹內訌
三名被告為「子鳳」廖子鳳（61歲，圖）、「大眼」林永森（50歲）及「肥波」伍偉浩（44歲），還柙至本月15日判刑。子鳳及大眼分別被裁定一項及兩項以和安樂三合會成員身份行事罪罪成；肥波則被裁定三項以新義安三合會社團成員身份行事及一項聲稱三合會成員罪成。子鳳早在10年前，當時為候選坐館的他因自稱三合會成員罪成被判監兩個月。
卧底探員前年1月聽到其他人說「大眼哥同前坐館子鳳傾嘢，傾唔掂，𠵱家鬧交」，卧底「應雞」抵達油麻地，看見大眼與肥波搭膊頭及握手，大眼稱：「兄弟唔該晒！」肥波則答：「小事嚟箒，大家合作開，你有事我哋老新撐硬你。」
大眼打電話，向電話中人稱：「我同你啲人喺下面，落嚟啦，唔嚟正契弟！」子鳳出現並罵大眼：「你叫咁多水房人嚟做乜X嘢呀？想自己人打自己人呀？我話晒都係水房前坐館，夠薑就喺度隻揪啦！大眼仔！」但當晚終沒打鬥。
案件編號：DCCC480/19