文字獄呢期大熱。單「光時」八個字就判終身監禁，逐隻字計，冇十碌都八碌。咬文嚼字，有人絞盡腦汁，將八個字解體重組，分拆上市，落柯打大叫「乾焗香腸，池袋夾麵」，卧底夥計，會不會塞條「飯罪」過你歎？字面上睇，這種陳教授偽名的「飲食新契約」，香港人腸胃勢難消化，由背脊骨落，冇走雞。
「光時」之外，「抗爭運動」你以為夠中性，不，国安法未出，有人出書已識做，隱沒運動，取而代之，叫做「抗爭事件」。運動，犯咩法？東京奧運難產，皆因武……，今日再講武×，會消失在新屋嶺嗎？「運動」唔關張小明個肺事，香港人整整一年，向全世界示範何謂「運動健將」。今年七一以後，香港人運動員，被迫抽取DNA，由DNA確診到什麼嗎？你被告之，有抗爭的抗體，證明做過「顛覆運動」！驗孕與驗抗爭DNA，即知，国安唔使審，秘密幫你「落仔」！抗爭由被墮樓變被墮胎！圖書館跟手大開殺戒，去年國內已有「老子」著作遭批鬥被撤項。上善若水，道常無為，亂世加快催生本土新文字、新文學、新香港猛人。