警員編號同個人資料喺今時今日係不可公佈、不可侵犯，八方嚴正聲明，任何形式公佈警員資料既行為同活動，都係違反法庭禁制令，之前已經有網民中過招。不過人類總會犯相同錯誤，又有人將警員資料公開，就係西環契仔、執業律師何君堯！
無懼禁制令 編號姓名曝光
點解八方咁講？事緣有防暴警7.1係銅鑼灣遭刺傷，左臂受傷入院，呢位微博網名係「爆爆sir」嘅防暴警睇嚟傷勢唔係太重，即晚仲可以玩iPhone，仲喺微博打卡擦溫暖。見到「爆爆sir」咁英勇，何已完反應都好快，立即發新聞稿慰問，仲話會盡快探望。
不過探望還探望，唔小心都會出事！噚日網上就流出一張疑似病房相，有個生果籃上面放住慰問卡，除左有「何君堯立法會議員致意」幾隻字，仲好醒神咁印左警員編號PCXXXXX，同埋印咗警員嘅全名㖭！好快張相喺網上流傳，仲俾網民發現係「爆爆sir」嘅資料！唔理何已完有心定無意，將呢啲私人資料放大印係慰問卡上面，任何人行過都見到，似乎冇保障警員身份喎！八方提醒返，先前有人違反高院臨時禁制令，俾律政司民事控告藐視法庭，要監禁28日、緩刑一年㗎！