香港女將韋婉婷（左）奪冠要等多輪！佢上周六代表維拉斯尼亞喺阿爾巴尼亞女子聯賽作客次席嘅Apolonia，最終0:0賽和，維軍今季聯賽全勝紀錄告終，不過賽後仲領先Apolonia五分，聯賽餘兩輪下未肯定封后。韋婉婷賽後就話，今場同之前三場有好大分別：「呢場節奏同對抗性都較高，我就鍾意呢種節奏喇，但就要諗諗點同隊友配合。」韋婉婷開波嗰陣踢中場，之後就調咗去踢右前鋒，佢認為自己喺右前鋒位置發揮仲好：「溝通係有啲問題，喺中路有啲唔知點配合，但前鋒只係要對住個龍門入波，我係鍾意上腳，踢前鋒仲自由。」韋婉婷今場有兩次有威脅攻門，佢仲話把握唔到真係好可惜。