陳婉衡昨日到尖沙嘴出席婚紗雜誌活動，為大會行婚紗騷的她以超低胸婚紗示人。問到她的感情狀況，她透露與從事金融的王先生拍拖數月：「佢係我啲客，我教健身啲客。」又指對方介意自己太性感，但如工作需要會尊重，她說：「自己去沙灘就要影少啲、po少啲。」記者笑言她與男友操到拍拖，她笑謂：「我偏向運動型男仔，平日大家都一齊做gym，佢有佢操，我有我操囉。」
同場的林芊妤（Coffee）自爆因為囝囝戒母乳，令上圍大縮水：「最勁嗰時有E、F cup，𠵱家應該B。我老公都叫我小籠包，不過以前佢覺得我係奶樽，入面全部都係奶，好似淨係畀個仔咁，𠵱家終於做返個人，都夠用嘅，但係冇乜自信心囉。」