劉香萍昨日到新城宣傳電影《一棵心中的許願樹》，近日她遭追債的羅生門事件，令女兒貝安琪日前臨時甩底缺席畫展，問到事件可有影響女兒？劉香萍說：「佢即刻問阿媽你搞壇乜嘢？我都唔知佢潛水冇出席畫展。」
劉香萍表示她在港40年，報道一直是正面的，今次絕對是對方「惡人先告狀」，她又表示已要求龍華酒店老闆娘鍾太寫道歉書，如果對方不寫便會經律師追討欠款兼告對方誹謗：「前後欠我18萬5千，嗰晚佢搵人畀返1,400張換票證我，但我冇簽收，已經拎走咗14個月，點可以咁。」問到換票證仍然可用嗎？她說：「隨時用得，舊年9月24日起一路有上映，𠵱家我會同大戲院傾每14日播一場，佢又可以同我傾，搞包場或特別場。」