影意志藝術總監崔允信1988年在美國修讀電影系畢業，返港後跟許鞍華合作執導紀錄片《去日苦多》，又拍過《三條窄路》等電影。他在1997年創辦「影意志」，推廣及團結本地獨立電影工作者，不愛拍商業片的他表示︰「性格唔鍾意做商業片，如果當年去做，未必去到大導演個位，但要去內地發展搵到錢，當年一定做得到。」
享受放映會
於美國讀電影時，崔允信已深受法國新浪潮電影影響，不時自問「點解拍戲唔可以咁，一定要係咁？」但放於今日香港，他指未必可行︰「𠵱家香港同中國嘅關係，你要進入主流，基本上要將自己嘢掉晒。」他之前為《理大圍城》搞放映會，滿足感極大︰「用『享受』形容好似好奢侈，但以前喺fb會對罵，反而睇完手足嘅經歷，討論就變得平靜。」
影意志是非牟利團體，靠藝術發展局資助運作，在目前環境，令人擔心存續問題。不過崔允信理念清晰，認為影意志能否維持，跟自己能否繼續做獨立電影是兩回事，他反而覺得記者杞人憂天︰「就算冇晒錢，我相信仲可以搞，當然影意志建立咗咁多嘢，我希望可以繼續運作，所以最重要係觀眾可以支持……」說到這裏，他也忍俊不禁自嘲︰「變咗宣傳㖭，民政事務處真冇講錯，我竟然透過訪問做機構宣傳。希望觀眾知道電影放映，願意嚟支持。」