數以萬計香港人前日上街反惡法，有年輕人拉着「我哋真係好X鍾意香港」的直幡遊行，引來注目，王宗堯、鄧穎芝及歐陽偉等也在Ig貼出相關圖片，表達自己對香港的愛意。鄧穎芝貼出豬豬拉着遊行標語，寫上「me too」，還加上心心emoji。王宗堯則在訪問中表示：「如果利物浦都攞到冠軍，冇乜係冇可能，香港人一定要支持住。」
另外，網上瘋傳前日有警員截查外籍男子，糾纏兩分鐘依然雞同鴨講，警員又忽然叫外籍男轉channel「講中文」，最後警員英文講唔掂，惟有放生外籍男。黃秋生在fb留言嘲警：「You are police？文法固然不對。講中文啦，好！𠵱家呼籲你哋，呢個係非法集會。連中文都狗屁不通。文又唔得武又唔得。」
