港版國安法正式實施之前，黃之鋒同眾志為免連累其他人，決定退出同解散眾志，八方亦知有唔少人喺facebook刪除或者unlike敏感po，其實港版國安法咁辣，咁做亦人之常情，但亦有人唔怕得罪北京同小粉紅，仲繼續撐黃之鋒兼轉發佢嘅推文，邊個咁夠膽？咪2019《時代》雜誌風雲人物的瑞典環保少女Greta Thunberg！
轉發「我們永遠不會投降」
Greta Thunberg去年12月獲選為《時代》雜誌風雲人物，當時「香港示威者」（The Hong Kong Protestors）亦係《時代》雜誌風雲人物最後五強，Greta Thunberg噚日就喺twitter 轉發香港眾志前秘書長黃之鋒，有關噚日香港人上街反國安法嘅推文，黃之鋒嘅推文包含多張市民上街反國安法嘅相片，仲話「我們永遠不會投降。」而Greta Thunberg轉發之餘，仲話自己與香港人同在，「My thoughts are with the people of Hong Kong.」
其實Greta Thunberg同之鋒都係支持抗爭，佢15歲已經發動喺瑞典國會外罷課，又發動全球400萬人罷工罷課，要求關注氣候變化，仲曾經同美國總統特朗普就氣候變化隔空爭論，有呢啲背景，又點會怕得罪北京同小粉紅。
李八方