【本報訊】岳男陳以晉承認襲警和公眾地方藏有攻擊性武器兩罪，但他堅持無意拒捕，斥警方施用過份武力，違反守則，故意擊打其頭部，令他頭破血流。家人也明言不支持他打警察，希望他在事件上會受到教訓，但同樣對警方打至兒子重傷感憤怒，陳父越說越氣：「叫佢哋試吓俾我毆七棍吖！」
母：少咗個人寂寞啲
兒子終究要坐監，昨判刑後陳媽媽無奈說：「佢平時喺屋企好活潑，有佢喺度好有樂趣，𠵱家少咗個人，寂寞啲囉！」她又邊摸頭髮邊笑說，探望兒子時被他發現長了新白髮。審訊時庭上播放兒子被圍捕過程的片段，兩夫婦看得緊皺雙眉。當兒子被裁定拒捕罪成，三日來說話一句起兩句止的陳爸爸，終也忍不住批評裁判官偏坦警方：「唔公平！個官完全忽視差人過份、無限使用暴力，我哋非常憤慨！流到成地血，縫咗七針，留醫兩日，唔通係佢自己撞埋牆咩？」陳媽媽說：「襲警係佢唔啱，但係（警察）打到佢咁，都仲要話冇！」
陳以晉受訪時透露，當晚推單車來到炮台山，剛泊好單車，碰巧警察衝至，附近有白衣人追打黑衣人，但防暴警只追捕黑衣人。「成班人即刻跑入停車場匿埋」，他和其他人被督察截停，突然看到有手足想走，督察想追，他即時想到伸出援手，於是便掏出自拍神棍「搏一鋪」。他曾回望身後一眼，想看看後面有沒有人，就這樣被拍下全貌，新聞片段亦成為呈堂證據之一。結果手足走甩，他卻無法全身而退，頭還被警棍扑中，當場眼冒金星，頭暈作嘔。
警方數名證人作供時均指他力氣很大，還要搶警棍。他反駁：「最初打我頭嗰一棍，已令到我神志不清。」他只是出於自然反應「搵嘢捉住」，「條片都見到，我瞓咗喺度，俾佢哋噴糊椒噴霧，用警棍打，我係冇郁過！」他說事後並非拒捕，「嗰時聽唔到差人講乜，只係覺得呼吸困難，當時睇唔到嘢，個人好痛，自然就捉住自己雙手」。之後他被送院，「個頭縫咗七針，成身瘀晒」。當時腦裏只閃過警暴畫面，「舊年9月初大埔墟嗰個細路只係路過，就俾五、六個差人打到腦漿都出晒」，之前上網也看過手足被捕的場面，心裏本已設想「唔可以咁順攤，唔會俾人亂棍咁打」，但身處其中，才知預備好的擋格套路根本使不出半式，只能捱打。