今天是香港主權移交23周年，昨日人大常委會全票通過港版國安法，全球高度關注，外媒更指是「終結『一國兩制』」。何韻詩自2014年雨傘運動積極參與社運，去年更曾與黃之鋒等赴美國進行游說，昨日港版國安法通過後，阿詩在fb轉貼新聞，並留言：「一國兩制正式死亡。」阿詩之後又借搬studio表態：「係冇咗個studio㗎喇，係大屋搬細屋㗎喇，但我哋有嘅係意志，就係整極都死唔去，你吹呀？」
王宗堯上月初被加控暴動罪，有機會面對牢獄之災，他昨日於Ig貼出在連儂牆寫memo的照片，並留言：「大家都在擔心着，明日之後……23年，走了50年差不多一半嘅流程，經歷了100年似的巨變……不要害怕將會出現的白色恐慌，而要記住未來彩色的彩虹，用五顏六色的小紙張，寫下自己的歷史，寫下對未來的盼望。勿忘初衷。」王宗堯還hashtag「我們都是香港人」及「光時五缺」。網民紛紛留言打氣：「就算前路幾咁艱難難行都好，總會有曙光彩虹的一天。」
陳志雲嘲「政脅」
陳志雲前晚在觀塘出席楊立門的網上頻道演出，他受訪時笑稱自己支持國安法：「我支持國安法㗎！嗰間酒樓叫國安法大酒樓，啲嘢好好食。」他明言就算國安法在港真的成立也不怕，節目中不用避忌：「我哋又唔係要叛逆、分離、煽動，喺佔中時，我哋成日叫唔好，叫啲人返屋企，唔好暴力，我哋應該攞嗰啲金、銀或銅紫荊（勳章）。」
陳志雲表示主持網上節目獲益良多，在電台主持要顧及電台和拍檔，說話尺度不大，反而網上可更暢所欲言：「都要有感覺先講，好似我對《頭條新聞》感覺大啲，因為我做過監管又被監管過，做過電台及電視台，自己會有睇法，本來嗰日節目搵張敏儀講嘢，但佢話佢哋叫唔好講，但我唔知係邊個佢哋。」他直言理解張敏儀已退下火線，不在其位少評論，前特首曾蔭權也如是。民政事務局前常任秘書長楊立門則指梁振英有很多評論，陳志雲說：「佢真係好得閒，國家領導人點解咁得閒，佢應該領導國家而唔係領導香港，佢協助領導國家，佢係政協。」楊立門笑問是否威脅的「脅」？陳志雲笑說：「都係嗰個脅，中國政協係脅逼個脅。」
阮民安撐獨立
阮民安昨早也在社交網留言：「不要說：中國人大通過國安法象徵香港之死；建議說：中國人大通過國安法象徵香港獨立運動邁進新階段！」吳日言前晚到黃店為囡囡置裝，她在Ig貼相並為香港人打氣。
藍奕邦昨晚在fb貼出赤膊曬日光浴的照片，留言指要曬太陽、吸正氣，「去迎接2020應該會更mindfxck嘅下半年」，他又表示：「留返度力鬥長命好過。」更hashtag指今日會出銅鑼灣買平底鑊。