【本報訊】天主教香港教區榮休主教陳日君樞機形容中共硬推港版國安法極瘋狂，表明沒信心仍可保持真正的宗教自由。有教友擔心他會觸犯惡法，他說：「如果應該講而我覺得冇錯，佢話係違反呢個法律，佢要告我拉我，我都忍受。」
斥中聯辦逼宗教界撐惡法
天主教教友香港國安法關注組昨晚在facebook專頁上載三條陳日君訪問短片。對於中聯辦上月21日就國安法與香港教區宗座署理湯漢等逾50位本地宗教領袖會面，陳認為會面只是「（中聯辦）逼你評論國安法」，陳指立法問題屬大是大非，「香港同大陸一啲都唔同，點解要逼人哋一定要支持？𠵱家都唔知內容（條文）係點，已經要人哋同意」。
他明言中央訂立港版國安法違反一國兩制精神及《基本法》，同情有份出席的湯漢，「佢都幾日冇講嘢，但（中聯辦）迫宗教界要發言」，又指港版國安法存在很多問題，會面並非讓大家討論，「佢（中聯辦）教訓你之嘛，所以湯主教好可憐，唔支持好麻煩，唔知將來對教會點；支持可能好多教友不滿，好淒涼」。
有教友擔心陳被指牴觸國安法，他從容回應：「𠵱家我講咩都會話違反啦，如果應該講而我覺得冇錯，佢話係違反呢個法律，要告我拉我，我都忍受。」他認為港人要準備面對未知局面，「如果硬推國安法，真係好瘋狂，破壞香港，佢哋（中共）完全冇好處，不過可能真係咁瘋狂㗎啦，由佢哋瘋狂囉」，又引述一句話：「上帝要消滅人，必先使佢瘋狂。」